Jichhürut uksarux janiw anch thayxaniti sasaw SENAMHInkirinakax sawiyapxi

Imagen

David Sánchez, SENAMHI yatxatirimp aruskipkasa (Jamuqa: BTV)

Markasanx janiw jichhürux anch thayxaniti, Chukiyawunx 20 grado ukjakamaw junt’uptani, Altu Patanst 15 gradorakïniwa sasaw tata David Sánchezax arsuwiyi, jupax Servicio Nacional de Meteorología e Hidrología (SENAMHI) ukanrak irnaqi.

“Suni uraqinx, juk’a qinayakiw arumirjax uñartani, jayp’ust mä juk’ampiw jilxattani. 19 jan ukax 20 grado ukjaw Chukiyawunx junt’uptani, 5 jan ukax 6 ukjakamarakiw thayani. Altu Patanx, 14 jan ukax 15 gradokamaw junt’uptañax utjani, 0 jan ukax 1 grado thayarakiw utjani” sasaw Bolivia TV ukan arsusiwiyi.

Jutir urunakax janiw khunkaniti sasins qhananchawiyarakiwa.

Santa Cruzanx ukhamarakiw jichhayp’ut uksarux juk’amp juntuptani, 30 gradokamaw jilxattaspa sasin tata Sánchezax yatiyawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156