Marka irpirinakamp metodista yupaychäwininakampix laphinak irnaqañatak rixt'awiyapxi

Imagen

Evo Morales Jilïr Irpirimp metodista yupaychäwininakampiw Chukiyawun jikisiwiyapxi (Jamuqa: UCP)

Marka irpirinakamp metodista yupaychäwininakampix yatichäw ch’amanchañampitak k’umar jakañ ch’amachañampitakiw jichhürux laphinak rixt’awiyapxi, Evo Morales Jilïr Irpirix ukankawiyarakiwa.

Bolivia markax janiw kuna yupaychäws ch’amachkiti, ukhamaw Tayka Kamachinx qillqantata, ukhamarus jichhapiniw machaq Yupaychañ Kamach achuqa phaxsin rixt’atatx yupaychasirinakampix laphinakax irnaqañatak rixt’ata sasaw tata Moralesax sawiyi.

“Bolivia markar yanapt’añatakiw kunayman amtanakamp irnaqatäni, ukatakiw aka amtaxa. Metodista yupaychäwininak Bolivian utjañapatak ukhamarak irnaqapxañapatakiw arxatata ukhamarkaiw marka irpirinakamp juk’amp aruskipt’as sarantañatakis amtata” sasaw Jilïr Irpirix arsuwiyi.

Metodista yupaychäwininakax janiw yupaychasiñak yatipkiti jan ukax yatiqayañatak, k’umar jakayañatak, yapuchirinakar yanapañatakiw irnaqapxi sasaw Jilïr Irpirix qhanancht’awiyi. Kunjams marka tamanakamp ayllun jakasirinakampix irnaqata ukxats jupax arsuwiyarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156