Morales: Markasan pä patak mara phuqhañ amtapanx jan yaqha markanakat yatiñ mayt'asis yatichañatakiw ch'amachata

Imagen

Bolivian pä patak mara phuqhañ panka utapa (Jamuqa: Llikat apsuta)

Evo Morales Jilïr Irpirix 2025 maran markasax pä patak mara phuqhkan ukatak mä amtasax utjki ukxatx jichhürux Twitteran arsuwiyi, uka amtanx jan yaqha markanakat yatiñ mayt’asis yatiqañ utanakan yatichañ ch’amachata sasaw sawiyi.

“Pä patak mara phuqhañ amtasanx wawanakar jan yaqha markanakat yatiñ mayt’asis yatichañ ch’amachata. Pä Patak Mara Phuqhañ Panka Utanx pankanakaw utji, Bolivia munat markasan sartasitapatw ukanx arsuta” sasaw @evoespueblo Twitter janjapanx qillqt’awiyi.

Wasürux El País sutin Ispaña yatiyirinakax kunjams Pä Patak Mara Phuqhañ Panka Utanx pankanakax sum apnaqata ukxatw yatiyawiyapxi.

BBB ukankirinakax kunjams 220 taqit suma pankanak uñt’ayañ qalltawiyapxi ukw tata Moralesax jach’acht’awiyi.

“Pä Patak Mara Phuqhañ Amtasanx Bolivia markachirinakan jakäwip sumaptayañatakiw walja amtax utji. Saräw ch’amachañatakix Pä Patak Mara Phuqhañ Panka Utaw utji, ukanx 200 taqit suma pankanakasw uñt’ayañ qalltawiyapxi. Anqa markanakan @biblio200bol ukxat arsuwiyapxi ukatw jallallt’ataraki” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156