Santa Cruzampin Tarijampin Chuqi Chakampinx thayaniwa sasaw SENAMHInkirinakax yatiyawiyapxi

Imagen

Santa Cruzanx thayaniwa (Jamuqa: Llikat apsuta)

Markasanx thayaskakiniwa, juk’amp thayaw purinini, Santa Cruzampin Tarijampin Chuqi Chakampinx wali ch’aman tutukanakaw qharür arumirjatpach utjani sasaw tata Daniel Ticonax arsuwiyi, jupax Pachampit Umampit Yatxatañ Utanw (SENAMHI) irnaqaraki.

“Santa Cruzanx tutukanakaw utjani, jichhürut qharürkama, 90 km wayrax sapa pachax sarani. Chuqi Chaka Chaco uraqimpin Tarija Chaco uraqimpinx ukhamarakikïniwa” sasaw sawiyi.

Altu Pata jach’a markanw juk’amp thayawiyi, -8,4 gradow utjawiyi sasaw sawiyi.

“Thayaskakiniwa, janiw qinayax utjkit ukata” sawiyiwa.

Junt’uptkan ukjax 16 gradow Altu Patanx utjani, Chukiyawunx 20 jan ukax 21 gradoraki, ukhamarus Bolivia ch’umi uraqinx jurpürut uksarux jalluw chhilchhispa sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156