Yaqha chiqanakäm lamar qutar puriñatakiw amuykipt'asipktha

Imagen

Jamuqa: Referencial

Evo Morales Ayma Jilïr Irpirix janiw Chilïmak lamar qutar purksnati, yaqha markanakämx pursnawa, jach’a jawiranakäm pursna, ukanakaw amuykipt’atäski sasaw sawiyi.

“Atlánticompir Pacíficompir puriñatakix yaqha amuyunakaw utjani, ukax khust’askiwa. Jutir simanax, inas pä jan ukax kimsa simanata, Ichilota, Puerto Villarroelataw urea apayapxä, inas jayux Brasilar jawir umäm apayapxchï. Yaqhip achunakx, almendra, Atlánticöm apayatäski. Anqa markanakar aljirinakaruw Puerto Busch, Puerto Quijarro (ukäm apapxatapat) jallallt’tha, Ilöm lamar quta laqjämsa” sasaw yatiyirinakamp aruskipt’kasax arsuwiyi.

“Inas Chilir qullqichäwtuqut jan walt’aysna ukjak Chilinkirinakax Boliviankirinakar aruskipañatak thaqhchistaspa” sasaw Chilïm anqa markanakar aljañax utjki ukxat arskasax sawiyi.

Paraguay, Paraná jawiranakäm sarañxatx, Santa Cruzan qullqichirinakampiw aruskipatäski, Puerto Busch ukxat juk’ampis aruskipt’ata sasaw sawiyi. Paraway irpirinakax jiwasamp yanapkipt’asiñ munapxiwa, ukatw uksatuqüm sarañatak juk’ampis aruskipt’apxäxa sasaw sawiyi.

Pirwanx, Ilo lamar quta laqxa markämx yänakax aljañatak apayatäskiwa, Puerto Quijarröm Chinampit Indiampit apanit yänakaw apantanitäski, ukatw “Chilinkirinakax Boliviankirinakar juk’amp sum uñjasipki” k’añask apnaqirinakarux yamas jan walt’ayañ yatipxäna sasaw sawiyi.

Ukhamïpanx, anqa markanakat alasirinakampir aljirinakampiruw jan Chilïm sarxapxañapatak mayiwiyi, yaqha chiqanakäm sarapxañap mayiwiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156