Tata Evox 300 markachirit jilar yanapañatakiw qarpañ q'awanak lurat Punatan luqtawiyi

Imagen

Qarpañ uma (Jamuqa: UCP)

Evo Morales Jilïr Irpirix qarpañ q’awanak lurat Punata municipion luqtawiyi, Qucha Pampana. 382 utjäwinkirinakaruw ukampix yanapatäski, 2ïr distritompin 3ïr distritompina.

“Aka sum lurt’at qarpañ q’awanak lurat luqtañatakiw akankasipktha. 8 waranq waranq bolivianompiw irnaqawiyata. Marka irpirinakax 70% qullqw churawiyapxatayna, departamento irpirinakast 30% ukjraki.

Tata Moralesax Punata markachirinakaruw Jach’a Chhijlläwin jupatak jaqupxatapat jallallt’awiyi. Qucha Pampa markachirinakax janipiniw nayar jaytjañ yatipkiti sawiyiwa. Markasan askipatakix irnaqaskakïwa sawiyiwa.

Uma jark’jañatakiw irnaqatäni, sapa ch’ipxtax 400 litro umaw ukatx jalayaqatäni. Uka umx markachirinakaw umapxani ukhamarakiw qarpañatakis utjani sawiyiwa.

“Jumanakax sum yatipxtaxa. Yänakas kutkatayasitata, yänak lurañ qalltatasatx irnaqxsnawa, ukampiw qullqichañax ch’amachata, markasatakix ukhamatw qullqix utji” sawiyiwa.

377 hectáreaw jichhax qarpatäxani, uka uraqinx ch’uqimp tunqump siwillamp jawasamp sanawrimp  panqaranakampiw yapuchata. Thago, Chirusi, Kollu, Chaupisuyu Mejía, Tambillo Chico, Villa Barrientos, Capilla, Kjochi Laguna A markanakaruw yanapatäski.

Manq’at jan pist’añatakix ukham qarpañanak utjañapax wali wakiskiriwa, Punata markachirinakax juka’mp qullqichapxani, yamakis juk’amp alinakas yapuchatarakïspawa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156