Usuchjas t'aqhisiyañax uraqpachan jan walt'ayi, janiw ukx walikiw sasin sisksnati sasaw Moralesax sawiyi

Imagen

Evo Morales Jilïr Irpirix akham Twitteran arsuwiyi (Jamuqa: Llikat apsuta)

Evo Morales Jilïr Irpirix usuchjas t’aqhisiyañax janiw askïkiti, taqpach jaqir jan walt’ayañawa, ukham mä jaqir lurañax sinti jan waliwa sasaw jichhürux Twitteran arsuwiyi, Jichhürux usuchjas t’aqhisiyañ jan utjañapatak irnaqañ uruw uraqpachan amtata, ukatw ukham sawiyaraki.

“T’aqhisiyat Jikxatasiwiyapki Jupanakar Yanapt’añ Urükipanx uka jan wali lurat k’umiñaw wakt’apxitu, mä jaqir ukha luratax sinti jan waliwa. Uraqpachan uka jan walt’äwix utji, janiw ukax walikiw sasin satäkaspati” sasaw @evoespueblo Twitter janjapanx qillqt’awiyi.

1984 maranw Mayacht’at Markanakan Tamapanx jan t’aqhisiyañ utjañapatak, jan jaqirjan uñjañ jan utjañapatak mä jach’a amta utt’ayawiyapxäna, 1987 maran mara t’aqa phaxsit 26 uru saraqkipanw ukamp irnaqañ qalltawiyapxarakïna, ukatw jichhürux t’aqhisiyat jikxatasiwiyapki jupanakar yanapt’añ urux uraqpachan amtata.

Uka amtx 159 markan jichhakamax iyaw sawiyapxi, 14 articulopanx t’aqhisiyat jikxatasiwiyapki jupanakarux marka irpirinakaw yanapt’apxañapa sasaw sixa, taqi t’aqhisiyatanakaruw sumaptapxañapkam yanapt’apxañapa, jach’a jaqinakarus wawanakarusa sasaw sañ munaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156