Sacabankirinakax 20 waranq waranq bolivianwa phisqha amtamp irnaqañatak katuqt'asiwiyapxi

Imagen

Evo Morales Jilïr Irpirix qullq katuykasaw Sacaban arsuski, Qucha Pampana (Jamuqa: UCP)

Sacabankirinakax 4.022.042 bolivianw Evo Morales Jilïr Irpirit katuqt’asiwiyapxi, ukampix phisqha irnaqañ amtaw uka municipionx phuqhatäni. 20.110.210 bolivianow taqpachax churatäni, “Boliviax Mayjt’askiwa, Evox Phuqhiwa” amtampiw churapxani, uka qullqitx jichhür churasiwayki ukax 20% ukjarakiwa.

Yatiqañ Utanak utachañatakiw uka qullqixa; Domitila Barrios Cuenca, Litoral Boliviano, Máx Fernández Rojas, 27 de Mayo yatiqañ utanakatakiwa. Wawanakampin wayna tawaqunakampin sum yatiqapxañapatakiw ukham irnaqasirakini.

Mä piqut anatañ chiqas lurasirakiniwa, thiyanakanx patillanakaw uñjirinakan qunurapxañapatak utjani, Ucuchi markankirinakaw ukanx anatt’apxani.

“Aka phisqha amtamp Sacaban irnaqañaw jaysata, 20.110.210 bolivianow utji, ukatx 20% ukjaw municipiotak churatäxi” sasaw Jilïr Irpirix arsuwiyi.

Ukxatx, Iván Canelas, Qucha Pampa irpirix arsuwiyarakiwa. Irpirinakasax sum qullq apnaqapxi ukatrak akham irnaqañatakix qullqix utji sasaw sawiyi.

“Jilata Evox uraqin utjki uka yänakas kutkatayistu, qullqichir utanakas kutkatayistu, ukhamatw qullqichäwisax jan aynacht’ikiti, taqi Boliviankirinakarus qullqx kikipat uñjasaw churi” sasaw tata Canelax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156