Jilïr Irpirix mä yatiqañ utw Trinidad jach'a markan luqtawiyi

Imagen

"Cristina Argandoña de Hurtado" yatiqañ utw Alborada sutin chiqan luqtawiyapxi / Jamuqa: ABI

Evo Morales Jilïr Irpirix "Cristina Argandoña de Hurtado" yatiqañ utw Trinidad jach’a markan luqtawiyi, Alborada sutin chiqana, 7ür distritona. 450 yatiqir wawanakamp wayna tawaqunakampiw ukanx yatiqt’apxani.

“Qullqichäwisax jiltaskakiwa, ukhamax juk’amp irnaqataw jach’a markanakampin pata pampanakampin luqtañatakix utjani (…) Akhan juk’a arumpiw aka yatiqañ utx Trinidadan luqtawayañäni” sasaw sawiyi.

Kimsaqallq waranq waranq bolivianompiw utachayapxatayna, “Boliviax Mayjt’askiwa, Evox Phuqhiwa” wakichäwimpiw ukx churapxatayna.

Yatiqañ utax mä altus utaniwa, 15 yatichañ utaw utji ukhamarakiw yant’añ utamp k’añask askichañ utamp ch’ukuñ utampis yaqha utanakampis utjaraki.

Yatiqañax qhispiyasiñawa, ukampiw markasax jiltayata, ukatw marka irpirinakax taqi chiqan tecnológico yatiqañ utanak juk’ampis utachayasipktha sasaw tata Moralesax sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156