Bolivianx janiw chachampit warmimpich maynix munasi uk uñaqas markachirinakar arxatatäkiti sasaw tata Moralesax arsuwiyi

Imagen

Álvaro García Linera Sullka Irpirix chachapur warmipur munasirinakar arxatañ kamach rixt'awiyapki ukanw akham aruntt'asiwiyi (Jamuqa: Sullka Irpirin uñt'ayata)

Markasanx taqi Bolivia markachirinakaruw arxatata, janiw chachapurat warmipurach munasipxi ukax uñaqatäkiti sasaw arsuwiyi. Jichhürux Kunayman Munasirinakan Urupaw amtata, ukat ukham sawiyaraki.

“LGBT jupanakan urup uraqpachan amtaskipanx, markasanx taqi Bolivia markachirinakaruw arxatata, chachjamat warmjamach maynix amuyasi, khithimpich munasiñ muni ukax yäqatawa. Bolivia markasax kikipat uñjasisaw mayjt’ayata” sasaw Twitteran arsuwiyi.

Tayka Kamachirjamaw jupa Jilïr Irpirix arst’awiyaraki. Janiw khithirus maynix muni uk uñaqas jisk’achasiñax utjañapäkiti, janiw chachjamat warmjamach maynix amuyasi ukatsa sasaw uka Tayka Kamachinx saraki. 2016 maranx tata Álvaro García Lineraw jan ukham jisk’achasiñ utjañapatak mä kamach rixt’awiyi. Uka kamachirjamax, 18 marat jilan markachirinakax warmi suti jan ukax chacha suti uskusiñ munapxchi ukax sutip mayjt’ayapxaspawa sasaw sixa, ukhamarakiw warmi kankañaps chacha kankañaps mayj qillqatayapxaspa sarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156