Tarija: Sama qullunakanx 50 hectáreaw phichhantata

Imagen

Sama qullunakan ninax aqaski (Jamuqa: Llikat apsuta)

45 jan ukax 50 hectárea uraqiw jichhakamax Sama qullunakanx phichhantata, Tarijana, alinakaw uka qullunakanx utjäna sasaw tata Miguel Ángel Prietox arsuwiyi, jupax Tarija jach’unakan p’iqichiriparakiwa.

70 jach’ump alcaldíankirinakampiw nina jiwarayañatak irnaqasipki, Choroma marka jak’an ninax aqastaski sasaw qhanancht’awiyi.

“Choromanx nin jiwarayasipktwa. 70 jach’ump San Lorenzo alcaldíankirinakamp juk’amp markachirinakampiw nin jiwarayañatak irnaqasipktha. Mä nina jiwayir k’añaskuw utjapxitu, usut q’ipir k’añaskus utjapxarakituwa. Maynikiw usuchjata, mä jach’uw ajanup turpa turp nakharayasiwiyi” sasaw sawiyi.

Janiw kunjamats ninax nakhtawiyi ukax yatiskiti, ukhamarus yatxatayasipktwa sasaw tata Prietox arsuwiyi.

“Janiraw kunjamats nakhtawiyi ukax yatiskiti (…) Khithis aqtaypach ukw yatxatasipktha. Inax mä markachirïchi, janiw pitañap sum jiwaraykpachat sasaw sasipktha, ukhamat aqtaspäna” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156