Sullka irpirix mä machaq yatiqañ utwa Punatan luqtawiyi

Imagen

Punatanx machaq yatiqañ utaw luqtata, Qucha Pampana (Jamuqa: Sullka irpirin uñt?ayata)

Álvaro García Linera Sullka Irpirix mä machaq yatiqañ utwa Punatan jichhür luqtawiyi, Qucha Pampana, 2ïr distriton jakasir yatiqirinakaw ukanx yatiqapxani.

Yatiqañ utax Sullka Irpirin sutipaniwa, 15 yatichañ utamp física yant’añ utamp química yant’añ utamp atamir utamp yaqhanakampiw ukanx utji. Yamakis anatañ chiqamp tingladompis utjarakiwa. 6,7 waranq waranq bolivianompiw utachayapxatayna.

Evo Morales Jilïr Irpirix tecnología jan mayt’asxañasw muni, ukatw wali sum yatiqapxañam munaraki sasaw tata García Linerax arsuwiyi.

“Uka ñiq’i tikat lurat Boliviamp aka suma uñjat Boliviampix mayjawa. 4.000 yatiqañ utwa akas kipkak markaspachan lurapxtha, wayna tawaqunakan suma chiqan yatiqapxañapataki. Evompix qhawqha qullqisay munaspan sasaw amtawiyapxtha, suma yatiqañ utanakamp yänak lurañ chiqanakamp yänak lurañ amtanakampiw utjañapa” sasaw Sullka Irpirix sawiyi.

Akat qhiparux yatiñamp tecnologíampiw sum sarantatäni sasaw jupax sawiyi, ukatw ukxat yatxatapxañap yatiqirinakar mayiwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156