Buscar

Beni, Chuqi Chaka, Pando Ayllunakan Uñacht’äw Ch’iqiyir Chiqanak Utt’ayaña

Nayra luratanaka

2006 maran willka kuti phaxsit 20 urunak saraqkipanx, Marka Qullqimp Irnaqayir Sullka Kamanamp ENTB Bolivian Uñch’ukiyañ Utapampix CIF UAP/VEN/1075/2006 Qullqi Churañ Amta rixintawiyapxi, 7.173.000,00 ukja qullqitaki, ukasti Venezuela markan yanapt’apatwa misturaki, 2007 maran jallu qallta phaxsit 31 urukam tukuyañatakiw amtawiyapxaraki.

2007 maran mara t’aqa phaxsi saraqkipanx, 1ïr mayjt’aw lurasiñap mayitarakïna, uka amtäwix 2008 maran 30 urunak mara t’aqa phaxsit saraqkani ukjakam sarañapataki.

2007 maranx, ENTBx akhamanakw luraraki: mä qawqhür irnaqirinak katuqi, servicio manunak phuqhi, 01/07 Markpachan Uñt’ayat Aljir Katuqañ Jawillt’äwimpix (3ïr jawsthapïwina) yänak jikxati. Amtäw sum phuqhañatakix, aka Aljir Katuqañ Jawilt’äwix, kunayman aljir katuqañ amtanak utt’ayi: anqa markat yänak apaniña, anqa markat chiqak yänak apaniña ukhamarak aka pachpans alaña. Anqa markat apaniñatakix, ENTBx chaninak iraqtayañatakiw aruskipt’i, ukax jan Yänak Mist Mantayir Utamp qullq markatak mayiyasiñatakiwa.

2007 Maran Irnaqat Uñakipt’ata

SIGMA ukan yatiyatapax, 2007 maran jallu qallta phaxsin 31 urupkamax, 5.463.323,49 ukja qullqiw tukuntata, siwa; ukhamax 7.173.000,00 (amtäwin qullqipa) ukja qullqitx 76,16% ukjarakiw tukjatäxi, akham luratanakarjama:

PDF: Tukjat Qullqimpit, Jalanuqatampit Yatiyata

2008 Maranx kunjamas Qullqix Tukjasi Uka Uñakipt’äta

2008 maranx, GCIA GRAL 440/08 jakhun qillqatampix Qullqi Churañ Arust’äw mayj sartayañatakiw mayitäna, 2008 maratak chaninakamp qullqi jalanuqatanakamp askicht’añataki, 2008 maran jallu qallta phaxsit 31 urkama amtäwix sarantaskañapatakiki, taqi ukast Arust’äwin amtawiyatäki ukja qullq jan jilxattayasa.

Aka mayjt’äwx Marka Qullqimp Irnaqayir Sullka Kamanamp irnaqirinakaw yatiyapxarakïna, 4ïr jakhun mä amtar purit qillqattuqu, Purap Amtäwi Qillqatampi, 2008 maran llumpaqa phaxsit 18 urukän ukjaw ukham luratänxa.

2008 maranx 434.713,00 ukja qullqiw tukuntatänxa; ukampist irnaqirinak, jan jaqimp yanapayasitanak, lurañ yänak, katuqat yänak, uta yänak ukhamanakaw payllatarakïnxa; akhamarjama:

AYLLUNAKAN UñACHT’äW CH’IQIYIR CHIQANAK UTT’AYAñ AMTA
BENI, CHUQI CHAKA, PANDO

2008 MARA

BOLIVIANO QULLQIMP YATIYATA

CHURAT QULLQI BENI CHUQI CHAKA PANDO TAQPACH TUKJATA
Jaqimp Yanapayasitanaka 87.031,34 159.830,77 119.613,09 366.475,20
Jan Jaqimp Yanapayasitanaka 27.371,20 1.114,00 13.194,75 51.679,95
Lurañ Yänakamp Katuqatanakampi 5.680,00 5.680,00
Uta Yänakamp Jisk’a Yänakampi 10.878,00 0,00 0,00 10.878,00
Taqpach Tukjata 130.960,54 170.944,77 132.807,84 434.713,15
2007-2008 MARAN TAQPACH TUKJATA 2.399.122,52 512.384.185,49 1.114.728,63 5.898.036,64

2009 Maranx kunjamas Qullqix Tukjasi Uka Uñakipt’äta

2009 maranx, Marka Qullqimp Irnaqayir Sullka Kamanax 2ïr mayjt’aw uñt’ayi, ukampix qullq mayj jalanuqañatak ukhamarak amtan 2009 maran jallu qallta phaxsin 31 urupkam sarantañapatakiw iyawsasiwiyi; taqi ukast Arust’äwin amtawiyatäki ukja qullq jan jilxattayasa.

2009 maran qasäwi phaxsit 15 uru saraqkipanx, 0074 Jilïr Irpir Kamachiw uñt’ayasiwiyi, ukampix ENTB Bolivian Uñch’ukiyañ Utapaw chhaqhtayatänxa; ukhamarakiw 0078 Jilïr Irpir Kamachis uñt’ayatarakïna, ukampiw BOLIVIA TV Bolivia Markan Uñch’ukiyañ Utapax uñstayawiyata.

Akham luratanakast amtäwin taqpach lurañanakapw qhipt’ayawixarakïna kunattix sisktan uka kamachinak apsutarjamax, jichhax ENTB ukan sutipar churat qullqix BOLIVIA TVn sutipar mistxañapatakiw sarnaqañaxarakïna.

Bolivian Alaxpachäm Q’ipiyir Utamp turkasisax, Harrys sutin yatiyañ yäw utt’ayañatak q’ipiyatarakïna; ukhamarakiw, Sucre jach’a markankir Sika Sika qulluns utanakax lurt’atarakïna, kunjamti aljirix iwxt’ankän ukhamarjama.

Amtäw taypinx janiw qullqix uka yänak utt’ayañatak ukhamarak uñacht’ayat ch’iqiyirinakamp utanakamp utt’ayañatakix utjkänti; ukhamïpanx, Bolivia TV ukaw qullqipat apsxañapänxa.

2009 maranx, amtäwitakix akhamrakw qullqix jalanuqatänxa:

AYLLUNAKAN UñACHT’äW CH’IQIYIR CHIQANAK UTT’AYAñ AMTA
BENI, CHUQI CHAKA, PANDO

CHURAT QULLQI BENI CHUQI CHAKA PANDO TAQPACH TUKJATA
Jaqimp Yanapayasitanaka 52.800,11 53.102,56 10.233,90 116.136,57
Jan Jaqimp Yanapayasitanaka 12.854,00 31.193,00 10.528,00 54.575,00
Lurañ Yänakamp Katuqatanakampi 555,00 0,00 0,00 555,00
Jan Chhaqhtir Yänaka 187.439,58 92.833,80 187.440,08 467.713,46
2009 MARAN TAQPACH TUKJATA 253.648,69 177.129,36 208.201,98 638.980,03

Jist’arat uxinakamp yatiyir yänakarakiw janir alatakänti; Chuqi Chaka, Beni, Pando Ayllunakan Uñacht’äw Ch’iqiyir Chiqanak Utt’ayañataki; ukhamarakiw ukanak sum utt’ayañatakis amtäwinak uñakipañatakis, kamisti arust’äwin amtatakän ukhamarjam, 635.983,33 (suxta patak kimsa tunk phisqhan waranq llatunk patak kimsaqallq tunk kimsani 33/100) ukja qullqix 2010 maranx Qullqi Wakichäwir qillqantatarakïna.