Buscar

JUK’AMP MARKAR UñACHT’äW PURIYAñ AMTAMP YäNAK ALAñAMPI

Juk’amp Markar Uñacht’äw Puriyañ Amtamp Atamirimpkamak Apnaqañatak Yänak Alañ Amtampi

Nayra luratanaka

2007 maran taypi sata phaxsit 6 uru saraqkipanx, ENTB Bolivian Uñch’ukiyañ Utapamp Fondo Nacional de Desarrollo Regional – FNDR ukampix 001/2007 Qullqi Churañ Amtwa rixintawiyapxi; ukampist "Markatak Munaski Uka Yatiyañ Yänak Utjañapatak Irnaqañ” amtäwit mistur qullq ENTBr churañatakiw amtasiwiyapxi, "Juk’amp Markar Uñacht’äw Puriyañ Amtamp ENTB Atamirimpkamak Apnaqañatak Yänak Alañ Amtamp” sarantayañataki.


Qullqi

Qullqi Churañ Amtarjamax, 2007 maran taypi sata phaxsit 19 uru saraqkipanx, ENTB ukarux 36.467.631 wakicht’ayat qullqimp 35.363.373.50 laqa apsuñ qullqimpiw churawiyata; uka pachparakiw, 2007 maran lapaka phaxsit 15 urükipanx, ENTB ukarux 35.704.504 wakicht’ayat qullqimp 33.894.471.89 laqa apsuñ qullqimp churatarakïna; ukhamatx, wakicht’ayat qullqix 72.172.135 ukjawa, laqa apsuñ qullqist 69.257.845.39 ukjarakiwa, taqpach tukjatäñapataki.

Akürunakax, "JUK’AMP MARKAR UñACHT’äW PURIYAñ AMTAMP ENTB ATAMIRIMPKAMAK APNAQAñATAK YäNAK ALAñ AMTAMPIX" 69.257.846,00 wakicht’ayat qullqiniwa, ukast Fondo Nacional de Desarrollo Regional uksat churanitarakiwa.

Churat qullqi

ENTB Bolivian Uñch’ukiyañ Utapax, amtäw sarantayañ qalltkasax, suxta tunk (60) uñacht’ayat ch’iqiyir yänak utt’ayañapänwa; jichhax ukxarux yaqhanakamp yapt’ani (120), Bolivian kunayman ayllunakapan uskuñataki, ukhamat uka chiqanakan jakasir markachirinakar yanapt’atäni.

Kamisti aka amtäwix 120 uñacht’ayat ch’iqiyirinak kunayman ayllunakan yapt’añ amtki ukampix, ukhamarak jist’arat uxini k’ullk’u uxini atamir yänak turkasax, 7ür kanalax juk’amp ayllunakaruw purini, 703.024 ukjanit (khithinakati jichhax uñacht’ayat katuqapki jupanakatx 30%) 1.379.736 ukja markachirinakaruw (amtäwimpix khithinakati katuqapkani jupanaka) puritäxani; Chukiyawu, Qucha Pampa, Santa Cruz jach’a markanakan ch’aman uñacht’ayat uñt’ayir yänakamp yatiyañ jach’a utanakamp turkasax, 1.640.388 ukjanit (khithinakati jichhax uñacht’ayat katuqapki jupanakatx 70%) 3.973.801 ukjaniruw (amtäwimpix khithinakati katuqapkani jupanaka) jach’a markanakampin jach’a mark jak’anakampin puritäxarakini.

Ukatakix, amtäwinx jist’arat uxinakamp k’ullk’u uxinakamp jaqsur yänak alañaw amtata, chanipast $US 9.029.268,06 ukjarakiwa, akhamanakataki:

Yatiyir Yänak Alaña 8.924.786,06 $US
Ch’iqiyirinak Utt’ayañatak Churat Qullqimp Yaqhanakampi 104.482,00 $US
Taqpach YATIYIR YäNAK Alañ Qullqi 9.029.268,06 $US

2010 maratakix, "JUK’AMP MARKAR UñACHT’äW PURIYAñ AMTAMPITAK ENTB ATAMIRIMPKAMAK APNAQAñATAK YäNAK ALAñ AMTAMPITAKIX" 29.579.625,57 wakicht’ayat qullqiw utji.

  • • Aka marax, qasäw phaxsinx, Seguros y Reaseguros Credinform International uksankirinakampix amtäw juk’amp qhiph tukuyañatakiw aruskipt’atänxa, yänak Kunayman Jan Walt’äwit Jark’aqañataki, 268.660,00 ukja qullqimpi, 2010 maran qasäwi phaxsit 6 urut qalltas 2011 maran qasäwi phaxsit 6 urükan ukjakam sarañapataki.
  • • 2009 maran achuqa phaxsit 4 urükipanx, 050/2009 jakhun Iyawsäw uñt’ayawiyapxäna, ukampix 1.142.496,20 (waranq waranq patak pusi tunk payan waranq pusi patak llätunk tunk suxtan 20/100) ukja qullqimpiw Pata Markan Uñacht’äw Ch’iqiyir Chiqa Amuyt’añatak Ukhamarak Utachañatak Chiqak Lurat Katuqäwix jaysatäna, SERVICON J&J ukankirinakaruw churawiyatänxa; turkañ amtanak ukhamarak nayrïr amt mayjt’ayat uñakipasax 775.186,35 (paqallq patak paqallq tunk phisqhan waranq patak kimsaqallq tunk suxtan 35/100) ukja qullqirakiw qhiparux churañ amtataxäna. Jichhürkamax 80% ukjarakiw utax jiksutäxi ukhamarakiw utachayirirux 55.885,12 (phisqha tunk phisqhan waranq kimsaqallq patak kimsaqallq tunk phisqhan 12/100) uka jilt’a qullqis churatäxi, kunjamti CITE: BTV/DPP/No. 27/2010 qillqatax siski ukhamarjama.
  • • Irnaqir Katuqañ Jawillt’äwtuqux, 120 uñacht’ayat ch’iqiyirinak ayllunakan utt’ayañatakix DATEL S.R.L. Bolivia Qullqichur Utaruw katuqatänxa. Jichhakamax, 120 uñacht’äw ch’iqiyir utamp 107 ch’iqiyirinakampiw kunayman chiqanakan utt’ayatäxi, INF. TEC. 07/09 yatiyäwimpin DATEL S.R.L. BOLIVIA QULLQICHIR UTAn uñt’ayat irnaqat katuqañ laphinakampin uñstaraki, 2010 maran tukuyaskan ukïrinakatx 30.731,25 qullqiw churañ jilt’askaraki:

2010 jallu qallta phaxsikamax, 120 amtäwirjam utt’ayañäk uka uñacht’äw ch’iqiyirinakatx tunka phisqhaniw (15) janir lurt’atäkiti; ukast janiw DATEL ukhamarak BOLIVIA TV jupanakax jan munapk, jan luräw uñjapk ukatäkiti, jan ukast mayjarakiwa; panpachan aruskipt’atpachas sapak aruskipt’atpachas, paypachtuqunkirinakatakix jan askichkañ jan walt’äwinakaw utjawiyaraki, yaqhip yanapt’at ayllunakanx janiw yänak ch’amachirinaks utanaks churapkiti ukhamarakiw yänakx janiw wakiski ukjax puriyanitäkiti. Akhamanakaw lurañax jilt’askaraki:


Janir uskut uñacht’äw ch’iqiyirinak utt’ayañatakix, 2010 maran willka kuti phaxsipkamax, BOLIVIA TVx 6 yänak churañapa (4 yatiyirinakamp 2 antenampi), DATEL uksankirinakax utt’ayapxañapataki, alcaldiampir ayllunakampir qhantayirimp uta uñjirimp utamp churapxañapatakis mayipxañataki.

Yänak Apnaqir Utankirinakax, 38 jan suma uskut uñacht’aw ch’iqiyirinak uñakipt’apxani, iyawsañ amtanakanrak ukanakax jan waljam yatiyataraki; mara t’aqa phaxsiw uk lurañ qalltañatak amtatäskaraki.

  • • Irpirinakan apsut Irnaqir Kamachirjamax, "BOLIVIA TV" Markan Unch’ukiyañ Utapax jist’arat uxini yatiyañ yänak alañatakiw kunayman qullqichir utanakar jawillt’awiyi. Jichhakamax, taqpachatakiw jaysat laphinakax churatäxi, walja mayit yänakaw katuqatäxaraki, yatiyañ yänak katuqañax jichha maran mara t’aqa phaxsipkamaw tukuyañ munatäxaraki

2010 maratakix, 29.579.626,03 (pä tunk waranq waranq phisqha patak paqallq tunk llätunkan waranq suxta patak pä tunk suxtan 03/100) ukja qullqiw wakicht’ayata, ukax akham jalanuqataraki:

IRNAQAñ UTA: 526 "BOLIVIA TV" MARKAN UñCH’UKIYAñ UTAPA
IRN. APN.: 01 IRPIRI
LURIRI: 01 IRPIRI
WAKICHT’äWI: 11 UñACHT’äW CH’IQIYIR UTANAK UTT’AYAñA
WAKIYäWI: 04 JUK’AMP MARKAR UñACHT’äW PURIYAñ AMTAMP ENTB ATAMIRIMPKAMAK APNAQAñATAK YäNAK ALAñ AMTAMPI
LURäWI: 00 JUK’AMP MARKAR UñACHT’äW PURIYAñ AMTAMP ENTB ATAMIRIMPKAMAK APNAQAñATAK YäNAK ALAñ AMTAMPI
QULLQI MISTUñA: 42 JALANUQAT QULLQI KATUQATANAKA
QULLQI KASTACHäWI: 230 TGN QULLQI KATUQATANAKA.
SISIN JAKHU: 8620213900000

QULLQI JALJA QHANANCHT’äWI CHANI
22500 Chhijitak Churatanaka 270.788,00
25300 Jisk’a Paylläwinakamp Qullqi Utan Tukjatanakampi 5.856,00
42230 Yaqha Luratanakamp Marka Yänak Juk’amp Sumaptayatanakampi 947.734,29
43120 Atamirinaka 59.805,03
43500 Yatiyañ Yänaka 28.295.442,71
BENITAK TAQPACH CHURATA 29.579.626,03

" Juk’amp Markar Uñacht’äw Puriyañ Amtampin Atamirimpkamak Apnaqañatak Yänak Alañ Amtampin" qullqipax 36.308.684,31 ukjaw 2008 maranx tukjawiyatäna; 2009 maranx, 5.808.477,68 ukja; jichha maran qasäwi phaxsin 19 urupkamax 14.698.382,04 ukjaraki.