Image RESPIRA sutin samsuñ yänaka (Jamuqa: Qullañ P'iqichirin uñt'ayata)

Qullañ P’iqichirix mä yatiyäw wasärmax kunats RESPIRA sutin 170 samsuñ yänak Ispañat alapxi ukxat qhanancht’añatak uñt’ayawiyi. Uka yänakampix yaqhip markachiriruw yanapt’atäspa, jisk’a ukhamarak tantiy qullañ utanakanw sinti usutanakar uñjañatak apnaqasispa, sasaw qhanancht’awiyi.

“Yaqha markanakan apnaqawiyapki ukhamarjamax, aka yänakampiw jan jiwapxañapatakiw (usutanakar) yanapt’ata, ukax chiqawa, jisk’a ukhamarak tantiy qullañ utanakanw sinti usutanakar uñjañatak jan yaqha samsuñ yänakax utjki ukjax apnaqata” sasaw qhanancht’awiyapxi.

Uka yänak alapxipanx, yaqhip markachirinakamp qullirinakampiw k’umiwiyapxi,kunatakis apnaqata ukw k’umiwiyapxi ukhamarakiw chanipsa. Ukatw Qullañ P’iqichirix qhanancht’awiyaraki, “Brasilanx, iraqataruw uka pachpa yänakx alawiyapxi sasaw arsuwiyapxi, ukhamarus STEROS GPA INNOVATIVE S.L. qullqichañ utankirinakax janiw nänakas yaqha iyawsat aljirinakas RESPIRA yänakx uka markar aljawiyapktti, puriyawiyapktti” sasaw qhanancht’awiyapxi sasaw Qullañ P’iqichirix sawiyi.

Jisk’a qullañ utanakampir tantiy qullañ utanakampiruw usutanakar uñjañatak uka yänakax churata, ukatakiw uka yänakaxa sasaw qhanancht’awiyapxi./RAR