Image

Mama Eliane Capobiancox 4232 Jisk’a Kamachit wasürux qhanancht’awiyi, kunjams mayjt’ayat achunakax markasan apnaqasin ukxata. Uka kamachix phisqha achu apnaqañatak jank’ak yatxatasiñapatakiw iyawsata, janiw mayjt’ayat achunak chiqak apaniñatakïkiti sasaw sawiyi, jupax Ayllunak Jiltayañ P'iqichirirakiwa.

“Janiw kuna yaqha achu achuyasiñapas iyawsasiwaykiti. Jank’ak yatxatasiñapaw iyawsawiyata, Comité Nacional de Bioseguridad ukan jank’ak phisqha alinakxat amuykipt’apxañapataki” sasaw mama Capobiancox arsuwiyi. Tunqump suyamp qhiyamp q’ara tutump asukar alimpitw yatxatañ munata, ukxatw jupax arsuwiyi.

COVID-19 usux uraqpachan jan walt’ayaski, ukhamäkipanx mayjt’ayat achunakampiw juk’amp yapuchsna, ukhamatw markasanx manq’añat pist’añax jan utjkaspati sasaw sawiyi.

Yapuchirinakax jan irnaqäwiniw tukupxani sasaw arsutanakax ist’asi, ukxatx “markasan mayjt’ayat achunak apnaqañän ukax, 300.000 irnaqäwiw” utjani sasaw arsuwiyi./RAR