Image Wila jaqi wayuri (BTV)

Jichhürut uksarux 6:30 arumirjat 5:30 jayp’ukamaw tunkpach jaqi wayurinx irnaqapxani. Walja jaqiw jaqi wayurinak punkunakarux utapar kutt’añatak puriwiyapxi, yaqhipax janiw mantañ atxapxiti, ukatw juk’amp jayp’x punkup jist’antañ amtawiyapxi.

“Jichhürut uksarux 06:30 arumirjat 5:30 jayp’ukamaw irnaqapxäxa. Mä pachamp irnaqapxäxa sañw ukax muni. Nayrïr simanax anqaruw jaqix jist’amukusiwiyi, ukaw uñjapxtha” sasaw tata Jorge Bonadonax arsuwiyi, jupax Bolivia TV ukanrak ukham sawiyi.

Nayrïr simananakax juk’amp nayraw irnaqañ tukuyapxayätha, irnaqirinakan k’añaskut utapar kutt’apxañapatakiw ukham luratäna, ukhamarus jichhax utapar kutt’apxañapatakix k’añaskunakaw jupanakar q’ipiñatak achikt’ata, ukatw juk’amp jayp’ukamax irnaqatäni sasaw tata Bonadonax qhanancht’awiyi.

Mara t’aqa phaxsit 01 uru saraqkipanw jaqi wayurinakanx mayamp irnaqañ qalltawiyapxi. Jan usuntañatakix amtanak phuqhasipkarakiwa, pusi jaqikiw sapa jaqi wayuritx q’ipiyasipxaspa. Sapürux niya 100.000 tunkpach jaqi wayurinx q’ipiyasiwiyapxi; juk’amp jayp’ jist’antasin ukatx 120.000 jaqiw utjxaspa sasaw tata Bonadonax arsuwiyi, jupax jaqi wayurinakan irnaqañ p’iqichirirakiwa./RAR