Image Q'ara Q'aranx thakhinak jark'antasipki (Jamuqa: BTV)

Q’ara Q’ararux janiw thakhinak jist’arir sarañax walïkaspati, ukanx yaqhip p’iqichirix ch’axwañ munasipki sasaw uñaqirinakax sapxitu sasaw tata Javier Issax yatiyawiyi, jupax Marka Apnaqañ Sullka P’iqichirirakiwa. Ukhamïpanx llamp’uchasiña, aruskipañw thakhi jark’antirinakar mayiwiyi.

“Q’ara Q’arar sarañax janiw walïkiti, jan walt’äwinakaw utjaspäna sasaw uñaqir palla pallanakamp jach’unakampix sapxitu. Ch’axwañ yänakan jaqiw utji sasaw jupanakax yatipxi” sasaw tata Issax arsuwiyi.

Movimiento Al Socialismo (MAS) p’iqichirinakaw sartasiñatak ukham ch’amachasipki sasaw jupa tata irpirix arsuwiyi. “Movimiento Al Socialismo p’iqichirinakaruw mayamp amuykipt’apxañapatak sañ muntha, jupanakaw akham lurayasipki, alasiwiyiwa, jan ukham lurayapxamti, jaqi jiwatakiw utjaspa, janiw kunas utjkaspati” sasaw jupa Sullka P’iqichirix sawiyi.

Marka irpirinakjamax mä amtaruw puriñ munata sasaw tata Issax arsuwiyi. “Jan ukham lurapxamti. Aruskipañ amuykipt’añ mayipxsma, jan wali p’iqichirinakan amuyt’asipxañapataki, mä amtar puriñataki. Nänakax kuna amtarus puriñ munasipktwa” sawiyiwa./RAR