Image (Jamuqä: Bolivian Jilïr Jucha Yatxatañapa)

Pando, 20 uru qasäwi phaxsita 2015 marana (BTV).- Phaxsürux, Ramiro Guerrero, Suyun Jilïr Jucha Yatxatiripax, Olvis Eguez juparuw Pando departamentun machaq jucha yatxatiripjam utt’ayawayi, juparux uka ch’umi chiqan Ministerio Publicopan irnaqäwip thakhipar kutt’ayañapwa mayiwayi.

“Arxatäwinakax ñanqhachasiwaychi ukax, taqit jach’a irnaqäwimax uka arxatäwinak thakhipar kutiyañawa ukhamarak kutt’ayaña, kamachinaka, Constitución phuqhaña, markasan taqit ñanqhachat tamanaklayk nuwasiña, kamachinakarjam luratanak arxatañatak irnaqaña ukhamarak markar arxataña, janiw mä sapa utjäwiruk arxatañamäkiti, janirakiw mä ch’aman quturus yaqhip jaqinakarukisa”, sasaw Guerrerox sawiyi, ukhamwa yatiyirinakax qhanancht’apxi.

Maysatuqutxa, Pandon machaq taripäw irpiripax, suma chuymamp qhana apnaqasaw departamentlayk irnaqäx, markachirinakan arxatäwinakap arxatasa, sawiyiwa.

“Aka uraqitak ukhamarak Bolivia markatakix manqha chuymatpach churat arusax pä thakhiniwa: jan payachasisax nayrïrix (…) taripäw laqak sartayaña, kipka amuyump taqinir uñjaña uka thakhinakamp irnaqañawa, payïrist Constitucionan taripäw thakhiparjam yatxatäwinak jikxatañawa”, sasaw Eguezax sawiyi.