Image (Jamuqa: Llikan imata)

Chukiyawu, 27 uru qasäwi phaxsita 2015 marana (BTV).- 2016 Dakar Atip Atip T’ijuñan atipt’asirinakax Desaguaderömjamak Bolivia uraqirux mantanipxani, ukx 90% ukjakamaw niyx chiqaw saraksna, uka chiqankir thakhinakaw Pirwa markamp qurpasiñankapxi, sasaw Marko Machicao, Saräwinak Kamanix, sawiyaraki.

“Desaraguaderüm mantaniñapatakix mä phuqhat amtäwiw utji. (…) Akax janiw 100% chiqäkiti, ukampirus 90% ukjaw niy tukuyataxi, kunattix Pirwa markamp yatiykipt’asiñaw utjistu ukata”, sasaw Machicao Kamanix Patria Nuevar yatiyawiyi.

Ukampirus, anchhitax kimsa amtanakaw Bolivia uraqir mantaniñatakix apnaqasiski, Desaguaderump Qasanimp Chukiyawu departamentun aransaytuqupampi, sasaw qhanancht’awiyi.

“Qasanïm mantaniñatakix jan walt’äwinakaw utji, kunattix k’añaskunak mäkhipayañatakix jisk’a yampunakaw munasispa, ukax pachatakiwa, jan walt’äwinak apani ukhamarus kimsïr amtäwiw utjistu, aransayäm mantaniña, qutax jach’äk ukäma, ukämx janirakiw qurpa mäkhipañax jichütäkiti ukhamarakiw yaqhip jan walt’äwinakax utji, Pirwa jak’a markan Pachamam jark’aqañ uraqinakapaw utji” sasaw irpirix sixa.

Desaguaderümpin mantanin ukax, Wakimpin Taraqumpin Tiwanakumpinw qullqichäwix unxtani, Chukiyaw uraqinx uka markanakanw atipt’asïwix qullqichäw unxtayani, sasaw irpirix qhanancht’i.

Bolivianx Chukiyawu, Uru uru, P’utuqsi departamentunakämw 2016 Dakar Atip Atip T’ijuñax mäkhipani./ERAR