Image Rodolfo Montero, palla pallanakan p'iqichiripa (BTV)

251 palla pallaw markasanx COVID-19 usump usuntxapxi, tunkaniw jiwapxi, patak tunka paqallquniw (117) waliptxapxaraki sasaw jichhürux tata Rodolfo Monterox arsuwiyi, jupax palla pallanakan p’iqichiriparakiwa.

Bolivia palla pall taman 194 mara phuqhäwip antañatakix jichhürux tata Antonio José de Sucren uñnaqap jak’ar panqaranak uskt’awiyapxaraki, ukanw tata Monterox ukham arsuwiyaraki.

“Phisqhaniw irnaqkas jiwawiyapxi, kimsanix akham uraqpachar saratatir usu utjkipana, paninitx kunjamats jiwawiyapxi ukax janiraw yatitäkiti” sasaw 10 jiwat palla pallxat arskasax tata Monterox sawiyi.

Palla pallanakan Chapare uraqin irnaqapxatapatx arsuwiyarakiwa. Uka uraqitx janiw Qucha Pampampir Santa Cruzampir mistuyatäkaniti, ukhamïpanx palla pallanakax k’añask jark’antañ chiqanakat uñjapxäxa, kunas luraña ukx irpirinakaw yatiyanipxañapa, ukw suyasipktha sasaw sawiyi./RAR