Image Tata José Luis Quiroga, Marka Apnaqañ Sullka Kamana (Marka Apnaqañ Kamanan yanapirinakapan jamuqsuta)

Unduavirux jach’unakaw thakhi jist’arapxañapatak khithawiyata (Yunka uraqiru), jupanakax phisqhaniruw jist’arkasax jiskhxatañatak katuntawiyapxi, sasaw tata Josë Luis Quirogax arsuwiyi, jupax Marka Apnaqañ Sullka Kamanarakiwa.

Jach’unakax thakh uñjasipkänwa, ukhampachas wasür chiküruw thakh jark’antañ qalltawiyapxi.

Thakhi jist’arkasax, thakhi jark’antirinakax pä k’añask jaytjasiwiyapxi; ukanx q’ipiñanakamp, tantachäw qillqat pankamp, isimp jikxatawiyapxtha, ukax yatxatañatakiw wakiskirïni, sasaw tata Quirogax sawiyi.

Uka pachparakiw, janiw anchhax Yunka uraqinx thakhi jark’antatax utjkiti, jach’unakax ukankasipkakiwa, sasin qhanancht’awiyi.

“Khusakïskiwa. Yatitäk ukhamaw kunas luratäski”, sasaw jupa irpirix arsuwiyi./RAR