Image Tata Carlos Romero, Marka Apnaqañ Kamana (BTV)

Marka irpirinakax tata Franklin Gutiérrezampir khithinakati La Asunta markan mä jach’ur jiwayawiyapki jupanakampir taripañ mayiwiyapxi, ukhamw tata Carlos Romerox jichhürux tara Carlos Romerox yatiyawiyi, jupax Marka Apnaqañ Kamanarakiwa. Tata Franklin Gutiérrezax Asociación Departamental de Productores de Coca (ADEPCOCA) irpirirakiwa.

“Tata Franklin Gutiérrezampir khithinakati (jiwayañ) amtawiyapki jiwayawiyapki jupanakampir taripañ mayisiwiyi”, sasaw yatiyirinakar sawiyi.

Tata Gutiérrezax imantataw jikxatasi, ukampirus kawkhans jikxatasi ukax katuntañatak yatisxiwa, sasaw jupax sawiyi.

Uka pachparakiw, mä yatiyiriw Yunka uraqinx chhaqhata sasin yatiyawiyapxi, ukax yatxatasiskiwa, sasin sawiyi.

Yunka uraqinx, kukax jik’iratakïskaniwa, walürux phisqha hectárea ukjwa jik’irawiyata, sasaw tata Romerox qhanancht’awiyi.

Janir tukuykasax, anqa markanakat illapt’añ yanak yatichir jutapxatap yatipxtha, kamach t’unjañatak tamachasiñataki, sasaw arsuwiyi./RAR