Image Katuntatanakax FELCC ukan jikxatasipxi (BTV)

Wasürux kimsa markachiriruw Qucha Pampan katuntawiyapxi, jupanakax Q’ara Q’aran thakhinak jark’antañ p’iqichawiyapxi sapxiwa. Jichhürux Chukiyawuruw jupanakarux puriyawiyapxi, jan walt’ayapxatapat jan walt’ayañatak qullq churapxatapatw jupanakarux taripayapxani.

Wasürux Q’ara Q’aranw jupanakarux katuntawiyapxi. Katuntatanak taypinx mama Lucy Escobaraw jikxatasi, Movimiento Al Socialismomp senadorjam chhijllayasiñ munki jupa.

“FELCC utanakankasipkiwa, Chukiyawuna. Pä chacharuw katuntata, maynix warmirakiwa (…) ch’amamp axsarayañ munapxatapata, axsarayañatak qullq churapxatapatw jupanakaruw taripayatäni” sasaw tata Rojasax arsuwiyi.

Kunats katuntatanakarux Qucha Pampat Chukiyawur apayanita sasin jiskht’atax, markasar jan walt’ayañatakiw jupanakax kamachinak t’unjawiyapxi, ukhamanakax Chukiyawunw taripayata sasaw jupax sawaiyi.

“Taripirir yatiyañatakix (jupanakar) wakiski ukham juch jaqusiñap sxuyasipktha” sasaw FELCC p’iqichirix arsuwiyi./RAR