Image Beijinganx Wuhanat purir k'añask uñsusipki (Jamuqa: Llika)

COVID-19 usux maymar (2019) lakan phaxsitpach Chinan utjatapjamaki, janiw jallu qallta phaxsin uñstatapjamäkiti sasaw Harvard jach’a yatiqañ utan qullañxat yatxatirinakax sawiyapxi. Yatxatañatakix, jupanakax satélitemp jamuqsut jamuqanakw kunjams qullañ utanakanx mist mantawiyapxi ukxat uñxatawiyapxatayna ukhamarakiw llikans yatiyäwinak thaqhtawiyapxatayna.

COVID-19 usux Wuhan jach’a markan mä aljañ utan 2019 marat jallu qallta phaxs saraqkipan uñstawiyi sasaw nayraqatx sawiyapxi, ukhamarus usutanak uñstawayki ukjax ch’imi laq’ux ukjan akjan utjxaspäna, ukhamaw yatxatata; ukxat yatiñatakix kunjams sarnaqawiyapxi ukxatw yatxatawiyapxtha (satelitemp qullañ utanakan sarnaqat jamuqsutanaka, Baidu llika thaqhañans yatiyäwinakax thaqhtawiyatarakiwa) sasaw uka jach’a yatiqañ utankirinakax yatiyawiyapxi.

Ukhamarus China irpirinakax jallu qallta phaxsinw usux Wuhan jach’a markan ustawiyi, mä aljañ utana, Hubei uraqina sasaw sawiyapxi, ukampirus usux uñstawayki ukjax China irpirinakax janiw ukxat yatiyapxatapjamäkiti. COVID-19 usux uraqpacharuw saratatawiyi, walja jaqiw usuntat jikxatasi, walja jaqirakiw uka usump jiwawayxapxi./RAR