Image

Responsable de las Radios de los Pueblos Originarios (RPOs), tata José Aramayo, uñt’ayawayiwa, radios comunitariastuqinakax Sucre markan mayampiw wayrachiq mistuwayxapxani, kunawsatix mama Jeanine Añezas Bolivia mark irptkan ukhax amukt’ayataw jikxatasipxäna, ukhamarak aparawata, lunthatsuwayata ukhamapxanwa, aka Bolivia markan arunakax utjki, ukatx  arsuwinakasa amukt’ayatanawa.

“amtawinakasax kutt’aniwisanx askinjam radios comunitariastuqinaka nayrar irptañatakiwa, ukhamaraki aka radionaktuqi kunaymani covid yanqha usut jark’aqasiñataki ukatx yatiaqawi, yatichäwituq yatichañatakiwa”, sasaw tata Aramayox arst’awayi.

RPOstuq irptirix yatiyawayiwa, kunawsatix jupax irptir mantawayki ukhax wali jan walt’ayat jikxatawaytha, 104 radionaka utjkipanx 16 irnaqasipkatayna, sasaw yatiyawayi.

Ukatxa sawayarakiwa, covid 19 usut askinjam jark’aqasiñatakix mä campaña “Yo me cuido, Tu te cuidas” sutiñchat campañampiw sarantatäni, aka amtax kunaymani arunakasax Bolivia markan utjkichiqaw uñt’ayatäni, sasaw sawayi.

Tata Aramayox amtawayarakiwa, 9ni uru lapaqa phaxsina, 2019 maranx jan walt’ayiri tamanakax radios comunitarianaktx lunthatsuwayapxi, ukhamarak phichhantawayapxarakiw radio Kawsachun Coca, ukatx periodistanakaruw aknaqawayapxi, sasaw amtawayi.