Image Tata Rafael Quispex Bolivia TV ukan arsuski (BTV)

Chuymamanx wilaw thayantata sasaw sapxitu sasaw tata Rafael Quispex Bolivia TV ukanx arsuwiyi, jupax Markachirinakan P’iqichirinakapamp Aruskipirirakiwa. Nayrïr urunakax COVID-19 usunjamakiwa sasaw qullañ utar irpantawiyapxi, ukxatx yatxatasiskakiwa, nayrïr yatxatatanx jan uka usunjamaw uñstawiyi, jichhax yaqha yatxatäwimpiw suyatäski. Jichhax utapan yaqhaqtat uñjatäski.

“Uka wila thayantatax chhijir puriykiriwa. Janiw sum samsuykitaspati” sasaw sawiyi.

COVID-19 usut yatiñatakix walja kutiw yatxatawayxapxitu, janiw utjkiti, ukhamarus mayampw ukxatx yatxatasipkitu sasaw Tata Quispex arsuwiyi. “Wilanw yatxatawiyapxi, janiw utjkit siwa, ukhamarus yaqha yatxatäwinakanx COVID-19 usunïkirists ukhamaw uñsti” sasaw tata Quispex arsuwiyi.

Qullañ Utanakanx janiw katuqapkituti, uka usxat yatxatat mayipxitiu, Caja Petrolera ukanx janiw katuqawiyapkituti sasaw sawiyi. “Ukjaw ukjat ukj sarnaqawaytha, janiw kuna qullañ utans janir uka yatxatat utjkipanx katuqañ munapkituti” sasaw tata Quispex arsuwiyi./RAR