Image Carlos Méndez, Santa Cruzan markachirikar arxatañ p'iqichiri (BTV)

Mä yatiqañ utaw usutanakan qhiparapxañapatak utjani, 96 ikiñaw ukanx utjani, khithinakati COVID-19 usump usuntatjam jikxatasipki jupanakaw ukanx qhiparapxani sasaw tata Carlos Méndezax arsuwiyi, jupax Santa Cruz municipion markachirinakar arxatañ p’iqicharaki.

“Jichhürux municipio irpirinakax Alto San Pedro yatiqañ utwa yäpar wakicht’ayasipktha, yänak puriyasipktha. Akarux COVID-19 usump usuntatjam jikxatasipki jupanakaw jutapxaspa, ukatakiw yänakax puriyata, ukaw amtaxa” sasaw tata Méndezax arsuwiyi.

Khithinakati uta qhiparañ utankapkan jupanakarux uñjatäniwa, usutat jikxatasipxi janich ukaw yatxatatäni, usutäpxan ukax mä qullañ utaruw qullayañatak q’ipitäni sasaw arst’awiyi.

“Machaq ikiñanakawa (utjani). Isi t’axsuñanakanïpxaniwa, manq’añ utanakani. Qullirinakaw jupanakarux uñjapxani, qullanakas utjaniwa. Kunaxay munaschi ukanakaw uka chiqanx utjani” sasaw tata Méndezax arsuwiyi./RAR