Image Qhana apir lawanaka (BTV)

Tarija, 26 uru qasäwi phaxsita 2015 marana (BTV).- 2016 marakamax Tarija departamentox Sistema Interconectado Nacional (SIN) qhana ch’amanchar suma chinkatatäxaniwa, sasaw willkürux Luis Alberto Sánchez, Uraq Khusu Umanakamp Ch’amanchanakamp Apnaqir Kamanix, yatiyawiyi.

“Tarijan ch’amancha muytäwipax Tarija – Bermejo, Tarija - Entre Ríos ukhamarak Yacuiba – Caraparí ukanakawa, ukanak lurañatakix TDE (Transportadora de Electricidad) jupanakaruw churawiyata, ukasti ENDE (Empresa Nacional de Electricidad) ukatpach apnaqatarakiwa; ukhamax akat 15 jan ukax 18 phaxsirux Tarijax suma chinthapitäxaniwa, jan tukuskir chamanchanispawa, yänak mayjakiptayañ wakiyäwinakw sartayapxasma, janiw khuchhuqtäwinakanixapxätati. Tarijax 15 phaxsin taqpach chinthapitäxaniwa, ukhamw nayax amuytha” sasaw Kamanix qhanancht’awiyi. 

Uka pachparakiw, nayrïr maranakax Tarija departamentox janiw SINar chinkatasiñatakix kuns sartkänti, ukampirus Evo Moralesan apnaqäwipanx,Tarijax janir mä maräkipanw niya taqpach chinthapitäxi, markachirinakan jakäwip askiptayasa, jichhax janiw qhana jiwt’äwinakax utjxaniti, sasaw amtayawiyi./ERAR