Image

Tata Jorge Richter vocero presidencial, sawayiwa, alcaldenakamp ukatx irpiri Luis arcemp tantachawinx taqi departamentostuqinakanx aski amtanakaw covid 19 usur saykatañatak wakt’ayataski, jani juk’amp piykatatanakax utjañapataki, sasaw sawayi.

Planes de tranzabilidad amtax askinjamaw covid 19 usux kawkhanakans jikxatasi uka yatxatawinak yanapt’isatani, sasaw tata Richterax sawayi.

Uka amtawirjamax, sawayiwa, Bolivia mark irpirix La paz ukatx Cochabamba markanakan jank’akiw qullirinakax katuqaña, kunatix akir markanakan covid 19 usum usutanakax jilpach utji, sasaw sawayi.

Gobierno nacionaltuqitx, La paz ukatx Cochabamba markanakanx jank’akiw qullirinakax katuqasiwayani, jani juk’amp covid 19 usump piykatatanakax utjañapataki. Marka markachirinakax jani covid 19 usump piykatayasiñatakix askinjamaw jark’aqasipxañapa ukatx usuntasax utanak qhiparapxañapa, sasaw mayiwayi.