Image Sao Paulo pantiyuna (Jamuqa: Llika)

Brasilanx walja usutaw utji, uraqpachanx kimsïr chiqanw uka markax jikxatasi. Wasüruw Italiat sipans juk’amp waljaptawiyi, 34.021 jiwatawa utjxi, mä urunx 1.473 markachiriw jiwawiyapxi. Usutanakax ukham waljarakikiwa, uraqpachanx payïr chiqan jikxatasi, Estados Unidonak juk’amp waljax utji. Jichhakamax 614.641 usutaw Brasilanx utjxi.

Sao Paulonx 8.276 jiwataw utji, Río de Janeironx 6.010 jiwataraki. Uka pä chiqanw juk’amp usutax utjaraki, ukhamarus sapa waranq waranq jaqit jakhthapitax, Amazonampin Cearámpin juk’amp jiwatax utjaraki, uka chiqanakanx qullañ utanakas pist’irjamawa.

Juk’amp walja jaqiw uka usump usuntat jikxatasipxaspa, janiw sumx yatxatatäkiti sasaw yatxatatanakax sawiyapxaraki.

Iwrupa markanakanx piykatatanakx juk’awrayawiyapxiwa ukhamarakiw jiwatanakas juk’aqtawiyi./RAR