Image Rubén Costas, Santa Cruz irpiri (Jamuqa: BTV)

“Janiw ukxat aruskipañax wakiskiti”, jan akx yäqañäniti sasaw jichhürux tata Rubén Costax arsuwiyi, jupax Santa Cruza irpirirakiwa. Nayrïr simanaw Movimiento Al Socialismo (MAS) ukankirinakax chhijlläwix utjpan sasin sartasir mistuwiyapxi, ukatw jupax ukham arsuwiyaraki.

“Janiw ukxat aruskipañax wakiskiti, qullañxat juk’amp aruskipaña, qullqichäwxata, markachäwxata, ukaw wakiskiri, ukhamaw yäpar luraña, kamisti uraqpachan taqpach markan luratäski ukhama” sasaw tata Costax sawiyi.

K’umar jakañ utjañapapiniw yäqatäni, kunayman irnaqirix chikt’at juk’amp irnaqasipkañasakiwa sasaw qhanancht’awiyi.

“Janiw llakisksnati, janiw kuns yaqhat sipans yäqksnati jan ukax yatxatañasawa, uraqpachanx kunjams yaqha yatintañ amuyunakamp sarnaqatäni ukampi (…) jiwaspacha” sasaw qhanancht’awiyi.

Illapürux, MAS kamachirinakaw jank’ak chhijlläw utjañapatak mä kamach amtawiyapxi, q’uxu q’uxunak t’aqarayasiwiyapxi, Altu Patampin Yapacaní markampinx jan walt’äwinakaw utjawiyi./RAR