Image Qullqi utanak punkunakan siqisirinaka (Jamuqa: BTV)

Universal yanapt’ katuqasiñatakix wali alwatatpachw marakchirinakax kunayman qullqi utanakar puriwiyapxi, 500 waranq katuqasiñataki. Jan kuna yanapt’ katuqapki jupanakatakiw marka irpirinakax Universal yanapt’ uñstayawiyapxi.

Jichhürut uksarux 50 maranit 60 marankamaw Universal yanapt’x katuqasipxaspa. Jaqi chimpu jakhurjam simanan mä kuti utat mistuñax utjki ukhamarjamaw yanapt’ katuqasipxaspa. Aka phaxsit 11 uru saraqañapkamaw 50 maranit 60 maraninakkamax katuqasipxaspa.

Jutir pusi simanax 40maranit 49 marankama, 30 maranit 39 marankama, 20 maranit 29 marankamaw sapa atür yanapt’ katuqañ qalltapxani. Qhipa simananakax payllasiñax uka t’aqanakatak utjaskakiniwa.

Trinidad jach’a markanx janiw yanapt’ katuqasipkiti, irpirinakapaw COVID-19 usump jan usuntañatak jark’antasiñ amtawiyapxi ukata, uka municipionx aka phaxsit 8 uru saraqkipanw qullq churañax qalltatäni.

Yanapt’ katuqasiñatakix akanakaw munasi: Bolivian yuritäñawa, jaqi chimpuw apasiña jan ukax palla pall utan katuqasit panka jan ukax pasaporte jan ukax k’añask apnaqañ iyawsäwi./RAR