Image Alberto Parejarux FELCC ukanw walürux katuntawiyapxi (Jamuqa: BTV)

Taripañatak yatxatirinakax Alberto Parejaruw juchx jaquwiyapxi, janiw lurañapx phuqhawaykiti, uñt’atanakampiw kamachinak t’unjas yanapayasitayna sasaw sawiyapxi, jupax Boliviat Barcelona jach’a markar khithat irpirirakiwa. Samsuñ yänak jan wal alawiyapki ukxat yatxatkasaw juparux juchx ukham jaquwiyapxaraki.

Jichhüruw kunjams jupax uñjatäni ukxat aruskipañatakiw taripirinakax tantachasipxani. Jupax kunjams samsuñ yänak puriyañatakix irnaqawiyi ukxat yatiyiriw markasar kutt’ani.

Marka irpirinakax luram sapki ukakw tata Parejax lurawiyi sasaw Parejan arxatiripax sawiyi, jupax samsuñ yänakax utjit janich ukw uñjawiyi, Boliviar apayaniñatakiw irnaqawiyi, ukham luram sasaw jupar sawiyapxi sawiyiwa.

170 samsuñ yänakax Barcelona yänak lurañ utan utjit janicha ukw uñjawiyi; Qullañ P’iqichirin alaspan sasin sawayki ukjax uka yänak Boliviar jank’ak apasiniñapatakiw irnaqawiyi; Narcelo Navajas nayra Qullañ P’iqichiriw ukham luram sawiyi sasaw arxatiripax arsuwiyi./RAR