Image

Jeanine Áñez Jilïr Irpirix kunjams llätunk waranq waranq markachirirux utan jist’antat jakkasax qullq churas yanapt’asiwiyi, kunjamx Irnaqañ Amtampix 850.00 qullqichañ utanx 4.500.000 irnaqirir yanapt’asini ukxatw arsuwiyi.

“Llätunk waranq waranq jaqiruw utan jist’antat jakkasax aka phaxsinakax yanapt’awiyapxtha” sasaw Jilïr Irpirix Twitteran qillqt’awiyi.

Marka irpirinakax markachirinakarux utan jist’antat jakapkipanw qullqimp yanapt’añ amtawiyapxi. Canasta, Familia, Universal yanapt’anakw uñstayawiyapxi, chuymaninakarux Dignidad paylläwix churasiwiyaskakirakiwa.

Irnaqañ amtaw utjapxitu, ukampix markachirinakar irnaqäwit jan jaqtapxañapatakiw irnaqatäni sasaw sawiyi.

“Jichhax, Irnaqañ Amtampix, 4.500.000 irnaqiriruw jan irnaqäwit jaqtapxañapatak arxatatäni, markaspachanx 850.000 irnaqañ utana” sasaw Áñez Jilïr Irpirix Twitteran qillqt’awiyi./RAR