Image Tata Grover García, Qucha Pampan CODELCAM irptiri (BTV)

Bolivia irpirinakax Taqinir Inak Qullañ 2019 maran qalltañatak amtawiyapxi, ukax wali khusawa, sasaw tata Grover Garcíax jichhür arsuwiyi, jupax Coordinadora Departamental por el Cambio (CODELCAM) ukankirirakiwa.

“Kusisipxtwa, janiw seguronïpktti ukata, jichhax seguronïxapxäwa. Walja jaqiw qullayasiñ munapxi”, sasaw sawiyi.

Evo Morales Jilïr Irpirix 2025 Marka Amtx phuqhaskiwa, jupax qullañ utanak lurayaski ukhamarakiw markachirinakar juk’amp suma qullapxañaps ch’amachaski, sasaw tata Garcíax arst’awiyi.

Taqinir Inak Qullañax marka qullqimpiw apnaqatäni, janiw Caja Nacional de Salud ukankirinakan qullqipamp apnaqatäkaniti, sasaw Bolivia Jilïr Irpirix qhanancht’awiyaraki./RAR