Image

145 marka masiw Brasilat wasürux markasar kutt’anipxi, jupanakax Puerto Suárezanw (Santa Cruz uraqina) qhiparapxani, yaqhaqtataw usutat janich jikxatasipxi uk yatiñatakix uñjatäpxani sasaw wasürux Yaqha Markanakamp Aruskipañ P’iqichirix arsuwiyi.

“Aka 2020 maran mara t’aqa phaxsit 02 uru saraqkipanx, 145 marka masiw Brasil jach’a markanakat markasar kutt’anipxi” sasaw Yaqha Markanakamp Aruskipañ P’iqichañ Utankirinakax yatiyawiyapxi.

Markasar kutt’anipki uka marka masinakasax Qullañ P’iqichirix amtawayki ukhamarjamaw uñjatäpxani. Puerto Suárezanw qhiparapxani, ukatatw markanakaparux sarasipkani./RAR