Image K'añaskunaka, Chukiyawu taypinkkasa (BTV)

Marka irpirinakax 10 usut q’ipnaqir k’añask Chukiyawut Benir puriyapxani, uka k’añaskunakampiw khayanx COVID-19 usur kutkatatäni. Qullirinakaw uka k’añaskunakatx sarapxi, jupanakax usutanakar uñjañatakiw wakicht’asit jikxatasipxi.

“Usut q’ipnaqir k’añaskunakan sarapxañapax khusawa. Jupax (Eidy Roca, Qullañ P’iqichiri) ukat llakisi, akürunakax khayankawiyiwa, waljaniw sinti usuntat puripxi, ukatw jakapki uka chiqanakarux yanapt’añatak puriña, uka k’añaskunakanw jaqinakarux uñjatäspa” sasaw Jeanine Áñez Jilïr Irpirix arsuwiyi.

Kunjams uka k’añaskunakampix usutanakar uñjatäni ukxatw mama Eidy Rocax arsuwiyaraki, jupax Qullañ P’iqichirirakiwa. “Benirux yänakax apayatäxiwa. Qullañ utanakatakix irnaqirinakax katuqatäxiwa, jisk’a qullañ utanakatakis tamacht’asis qullir sarañatakisa. Jichhast qullirinakamp yänakampiw irnaqirix saratäski” sasaw sawiyi.

Chharminthiw usut q’ipir k’añaskunakax Chukiyawut sartawiyapxi, Murillo palasata. Áñez Jilïr Irpirimp p’iqichirinakampix uka chiqankawiyapxarakiwa, janir jichhür tantachaskasaw ukankawiyapxi; kunjamas utan qhiparatäni, kunjamas qullqichäwix apnaqatäni ukxatw uka tantachäwinx aruskipasipki./RAR