Image YPFB uta, Chukiyawuna (Jamuqa: BTV)

Taripirinakax pä YPFB irnaqiriruw mutuñ utar jist’antañ amtawiyapxi, kimsanïpxiwa, maynirux utapan jist’antañ amtawiyapxi. Jupanakarux seguro jan wal achikapxasmachatapat taripayasipki, ukhamw wasärmax tata Sergio Bustillox arsuwiyi, jupax taripayañatak yatxatir tatarakiwa.

Jichhürux taripañ tantachäwiw utjawiyi, kunjamas kimsa YPFB irnaqirirux taripayatäni ukxatw aruskipawiyata sasaw tata Bustillox arsuwiyi.

Kamachinak uñakipañ p’iqichirimp, kamachinak uñakipirinakar irpirimp, irnaqañatak iyawsirimpiw taripayatäski sasaw tata Bustillox arsuwiyi. “Uka kimsa jaqitx taripiriruw yatiyata, jupanakarux jan irnaqäwimp phuqhapxatapata, uñt’atanakamp yanapayasipxatapatx juchax jaqutäxänwa” sasaw Bustillox arsuwiyi.

Aka llamayu phaxsit 12 uru saraqkipanw taripayañatak yatxatirinakamp Fuerza Especial de Lucha Contra el Crimen (FELCC) ukankirinakampix YPFB irnaqañ utarux yatxatir puriwiyapxi, seguro iyawsañatak apnaqawiyatäki uka laphinak jikxatañatakiw puriwiyapxi./RAR