Image Fuerza Especial de Lucha Contra el Narcotraficox aparki uka ñanqha qullanaka (Jamuqa: BTV)

Uru Uru, 21 uru qasäwi phaxsita 2015 marana (BTV).- Fuerza Especial de Lucha Contra el Narcotráfico (FELCN) ukax “Triple Hierro” sutin uñxtäw lurasax, mä pachaxchunx 650 kilunakat jila cocaína ñanqha qullwa kamachirjam aparawayi, ukasti 48 wawanq waranq dolaranak chaniniwa, anqa markar apsuñ thantha jirunak taypinw imantat jikxatasipxäna.

“Uka ñanqha qulla apnaqirinakarux akaw taqit ch’amamp lurat ñanqhachäwixa, 654 clorhidrato de cocaína kilunakaniwa, 623 masking lip’iyañamp muyukipat chinunakankapxataynawa ukhamarakiw anqa markar thantha jirunak q’ipsuñ taypin imantataw jutaskatayna, (…) Uka aparat cocaína ñanqha qullan chanipax 48 waranq waranq dolaranakawa”, sansinw yatiyirinakamp aruskipt’kas, Hugo Moldiz, Apnaqañ Kamanix sawiyi.”

Uka uñxtäwi lurasax, suxta Boliviankir jaqinakaruw katuntawiyata, jupanakax markasan kamachinakaparjam juchanchañatakiw taripatapxani, sasaw irpirix qhanancht’awiyi.

Maysatuqutx, aparat ñanqha qullax Santa Cruz jach’a markanw nayraqatax imantatatayna, ukatx pachaxchux Qucha Pampämwa makhipaniwiyi, ukatatx Ariqa lamar quta thiyakam puriñatakix, Boliviamp Chilimp jaljtki ukwa makhipayañ amtapxatayna, Tambo Quemado chiqana, ukatsti Ispañkamaw Algeciras lamar quta thiyakam apataspäna, Malaga jach’a markakam puriyañataki, sasaw Moldizax qhanancht’i.

Jach’unakan yatiyatanakaparjamax, FELCNx apark uka k’añaskux Recolectora Menacho jupanakankiritaynawa, Gilberto Araoz Mendoza jupan irnaqañ utapana. /ERAR