Image Yatiqañ utanakan llikar mantasipki (Jamuqa: Llika)

120.378 yatiqiriw markaspachanx yatiqañ utanakapanx inak llikar mantapxani, WiFi ukampi; ukhamax Bolivia markasan tecnologíamp yatichäw yäpar sartayañax khust’askiwa sasaw Jeanine Áñez Jilïr Irpirix jichhür arsuwiyi.

“Jichhürux qhispiyasiñ, marka apnaqasiñ thakhwa thakhichasktan, Marka Irnaqäwinak Apnaqir Kamanaruw yuspajart’tha. Jichhürut uksarux llikar inak mantañaw 354 yatiqañ utan markaspachan utjxani. Ukampix 120.378 yatiqañ utanakaruw Bolivia markaspachan yanapt’atäni. Nayax ukham yatiyasax kusistwa” sasaw arsuwiyi.

Akham utjipanx wali sum yatxatt’at markachirïñatak yatiqt’apxam, ukhamat Bolivia markasax jiltarakini sasaw Jilïr Irpirix arsuwiyi.

“Taqi wawanakar thuqhur uñjasax, jakäwix amtastha. Nayax San Joaquínanw akham yatiqañ utan yatiqawiyaraktha, ukhamarus janiw akham tecnologíax utjkänti, juk’amp yatxatañataki. Ukatw ukx apnaqañ yatipxañama, munat yatiqirinaka” sasaw arsuwiyi.

Yatichäw mayjt’ayañatakix juk’amp irnaqañaw wakisi, ukhamarus taqi Bolivia markachirinakampiw akat qhipatakix mayjt’ayatäni./RAR