Image Evo Morales Jilïr Irpiri (UCP)

Evo Morales Ayma, Bolivia Jilïr Irpirix Bolivia Qullqichirinakan Tamapankirinakampiw (kastill arunx CEPB) jichhürux tantachasiwiyi. Jupanakax qullqi imañ utanakan qullqi jaytasirinakan yatiyäwip imañxat arskän uka articulwa P’amp’achañ Kamachit apsuñ amtawiyapxi, uka kamachix khithinakati jan markar payllañ qullq churawiyapki ukatakiwa.

“P’amp’achañ Kamachit aruskipasipkañapatakikix, aka articulux apsusiwayxiwa”, sasaw yatiyirinakamp aruskipkasax sawiyi.

P’amp’achañ Kamachitx kamach luririnakaw aruskipasipki, markatak payllañ qullqi manjasirinakaruw ukampix jan qullqimp mutuyañ amtasipki, 95% ukjakamaw p’amp’achasispa, sasaw sasipki.

Wali sum aruskipt’awiyapxtha, sasins Jilïr Irpirix sawiyarakiwa.

Qullqichirinakan Ronald Nostas irpiripax arsuwiyarakiwa. Jupax marka irpirinakaruw amuyunakap ist’apxatapat jallallt’awiyi, P’amp’achañ Kamachin sisktan uka articulox jan utjañapatak arsuwiyapki ukat ukham sawiyaraki. Markasan jiltañapatakix irnaqasipkakïwa sasins sawiyarakiwa.

Taypi sata phaxsit 31 uru saraqkan ukakam payllapkan jupanakarux 95% mutuyañ qullqis janiw mayitäxaspati, ukham kamachix saraki. Khithinakati jan ukham phuqhapkan jupanakax chinuqa phaxsit 31 uru saraqkan ukjakamarakiw 90% ukj payllañ qullqip juk’aqtayapxaspa, ukhamarus “interés” satäki ukx janiw p’amp’achxapxaniti./RAR