Image Jilïr Irpirin Silt'upamp Chimpupampi (Llikat apsuta)

Jichhürux mä “jan uñt’ataw” jawsanitayna, ukhamat Jilïr Irpirin silt’upamp chimpupampix katjawiyata, ukx wasärmaw lunthatawiyapxi, sasaw tata Jhonny Aguilerax jichhür yatiyawiyi, jupax Fuerza Especial de Lucha Contra el Crimen (FELCC) irpirirakiwa.

San Pedro Yupaychañ Utan mä q’ipiñax Chukiyawun jaytatäni sasaw jawsankatayna uka jaqix satayna; ukhamïpanw jach’unakax uka chiqar sarapxi, paypach chimpuw ukankaskäna, sasaw tata Aguilerax qhanancht’awiyi.

“Uka jaqinakan sutip yatxatasipktha. Qhantatix walja utaruw mantawiyapxtha. Ukham lurasiskakiwa”, sasaw sawiyi.

Jilïr Irpirin silt’upamp chimpupamp uñjir palla pallax katuntatakiw jikxatasiski, sasaw tukuykasax sawiyaraki./RAR