Image Víctor Hugo Cárdenas, Yatichañ Kamana (Jamuqa: BTV)

Yatiqirinakarux munasiñamp yatichapxam, sumäñata, “kusist’as” yatiqt’añaw utjañapa sasaw jichhürux tata Víctor Hugo Cárdenasax yatichirinakar jichhür iwxt’awiyi, jupax Yatichañ Kamanarakiwa.

“Munat yatiqirinaka, munat yatichirinaka, janiw yatiqañax amjayañati, janiw mun jan mun lurayañäkiti. Kusist’asaw yatiqt’aña, k’uchirt’asa, suma yatiyäwinak munañawa. Ukw Yatichañ Kamanjamax iwxt’añ munapxsma” sawiyiwa.

Yatiqañ utanakan utjki uka atamirinakx sum apnaqapxañamawa, jichhax yamas inakiw llikar mantatäxani sasaw qhanancht’awiyi.

“Atamirix janiw qillqañ makinäpkiti, juk’ampinakaw ukampix luratäspa, uka pachpa amuyumpiw Chukiyawu jach’a marka irpirinakamp purinipxtha, uka pachp jupanakax lup’ipxi. Yatichirinakan Boliviat uraqpachat jichha yatiyäwinak katuqapxañapataki, yatiqirinakan juk’amp yatiñ munapxañapataki” sawiyiwa.

Yatiqañ utanakanx yatiqirinakan juk’amp suma yatiqapxañapatakiw llikar mantañax inak utjani sasaw janir arsuñ tukuykasax sawiyi./RAR