Image Chukiyawu markachirinaka (Jamuqa: Llika)

Chukiyawumpin Altu Patampinx utat utw COVID-19 usutanak thaqhir sarañ munatäski sasaw wasürux Iván Ariasax yatiyawiyi, jupax Marka Irnaqäwinak Apnaqañ P’iqichirirakiwa.

“Chukiyawumpin Altu Patampinx usutanak thaqhiriw utat utax sartatäni, utat uta, chiqat chiqa. Taqi markachirinakaruw yanapt’apxañap mayipxäxa” sasaw Ariasax sawiyi.

Chukiyawunx Comité de Operaciones de Emergencia Departamental (COED) ukankirinakax qharüruw tantachasipxani. Uka tantachäwinw kunjamas usutanakax thaqhatäni ukx amtxapxani.  Jutir siman tukusiw utat utx sartañ munasipki, ukhamaw yatisi.

Yaqha departamentonakanx utat uta thaqhasax khust’awiyapxiwa sasaw sawiyi. Munaski ukjpach usutanakar uñjañaw munasi, janir qullañ utar purkipanw usutanakarux uñjaña sawiyiwa./RAR