Image Jorge Wilstermann, Qucha Pampa lata jamach' puriñawja (Jamuqa: Llika)

Jichhürux 98 jaqiw Boliviat Méxicor kutt’apxani; COVID-19 usu uñstatapatx markasanx janiw qurpatx khithirus mantayanitäkit mistuyatäkiti, ukhamarus jupanakarux yanapt’añatakiw awiyunat khithatäni sasaw tata Javier Rodríguezax arsuwiyi, jupax Jorge Wilstermann lata jamach’ puriñawj Qucha Pampan apnaqaraki.

“Qucha Pampatx 33 jaqiw sarxasipki, Chukiyawutx 49, Viru Virutrak (Santa Cruzata) 16. 98 jaqiw taqpach Méxicor kutt’irinakaxa” sasaw sawiyi.

Sarapkan jupanakarux jan usuntapxañapatak wakiski ukhamarjamaw phuqhayawiyata, Jorge Wilstermann awiyun puriñawjanx qullirinakaw jupanakar uñjawiyapxi, janiw lata jamach’ir makatapkipana sasaw tata Rodríguezax qhanancht’awiyi.

Awiyunax qharüruw kutt’anini, Bolivia marka masinakasaruw khayat q’ipinini sasins sawiyarakiwa./RAR