Image Aka isinakampiw mä jaqix palla pallät sasin sarnaqatayna (Jamuqa: BTV)

Mä 25 maran jaqiruw Fuerza Especial de Lucha contra el Crimen (FELCC) ukankirinakax Qucha pampan katuntawiyapxi. Jupax palla pallät sasin k’arisisaw illapt’añ yänakas apt’at mä k’añaskut saraskatayna, 20 ukhamarak 22 calibreni illapt’añ yänakampi. Gasolinamp palla pall isinakamps apaskarakitaynawa, ukatw juparux taripasini.

“Aka palla pall isinakaw uka manqhan jikxatawiyata. 14 illapt’añ yänakamp, 22 calibreni, mayast 20 calibreni. Ukhamarakiw manqhanx gasolina wayunakax jikxatawiyata” sasaw tata Iván Rojasax arsuwiyi, jupax FELCC p’iqichirirakiwa.

I.S. sutiniwa, 25 maraniwa, juparux Ford ch’uxña k’añask apnaqkipan katuntawiyapxi, Qucha pampa jach’a markan jikxatawiyapxi, Siglo XX jach’a thakhina. K’añask manqhanx palla pall isinak sutipamp ch’ukxatat jixkatawiyapxi, jupax subtenientëkaspas ukham sarnaqaskatayna.

Jupax Qucha Pampa ch’umi uraqiruy palla pallat ist’hapit walja kut sarchispäna ukhamaw yatisi./RAR