Image Marka masinakasa (Jamuqa: Llika)

Kunjams ayllunakan jakasirinakampir yapuchirinakampirux COVID-19 usump jan usuntapxañapatakix yanapt’atäni ukw jichhürux uñt’ayawiyapxi; Qullañ P’iqichirimp Jilîr Irpirir Yanapir Kamanamp saräwinak uñjir irpirinakamp markachirinakamp aruskipir irpirinakampiw uka amtx uñt’ayawiyapxi.

Uka amtampix jan usuntayir laq’ump usuntayañapatakiw khust’atäni, Marcelo Navajas, Qullañ P’iqichirx iyawsan ukatatx ayllun jakasirinakampiw yapuchirinakampiruw uñt’ayatäni sasaw tata Felipe Quillax arsuwiyi, jupax nayratpach apnaqat qullasiñ uñjirirakiwa.

Markasanx walja ayllu amuyump jakasir markanakaw utji, jupanakax jaya chiqanakanw jikxatasipxi, usux juk’amp jan walt’ayaspa sasaw yatiyirinakamp aruskipkasax arsuwiyi.

Jupanakan jan usuntapxañapatakiw uka amtax wakicht’awiyata, usut jark’aqasiñataki, saräwinakaparjam uñjañataki sasaw arsuwiyi.

Ayllu amuyump jakasirinakax jupanakpachaw usut jark’aqasiñ amtawiyapxi, markapan qhiparasipki, markap jark’antañ amtawiyapxi, COVID-19 usump jan usuntañatakiw ukham lurapxi sasaw tata Jorge Vacaflorax arsuwiyi, jupax markachirinakamp aruskipañ p’iqichirirakiwa.

Awiya Yalan Qullañ Uñjañ Utankirinakamp (kastill arunx OPS) chikaw aka amtax wakt’ayawiyata; ayllunakan irpirinakamp qullirinakamp COVID-19 usu tukjañatak irnaqapki jupanakampiw apnaqapxani sasaw qhanancht’awiyi./RAR

“Aka amtax markasan utjki uka kamachinakarjam anqa markanakan utji uka kamachinakarjamaw wakt’ayata” sasaw qhanancht’awiyi./RAR