Image Gisela López, Yatiyir Kanana (Llikat apsuta)

Chilinx, La Tercera  yatiyirinakax Jilïr Irpirin Evaliz phuchhapxatx “k’arisisipkapintwa” sasaw sawiyapxi, nayaw mä qillqat chiqpach arsupxañapatak apaytha ukat ukham qhananchapxi, sasaw mama Gisela Lópezax arsuwiyi, jupax Yatiyir Kamanarakiwa.

Jichhakiw uka yatiyirinakax “Evo Moralesan phuchhapax arxatirïxiwa”, sasin yatiyäw qillqantawiyapxi. Ukanx, markan nayrïr warmipjamaw Jilîr Irpirin phuchhapax sarnaqi, juparux arxatirjam yatiqañ utat mistkipanx tatamax jan mayamp chhijllayaspanti sasaw sawiyapxi, sasaw uka yatiyirinakax sawiyapxi.

“La Tercerax k’arinak arsus yatiyañ yatitapx qhanstayawiyapxtwa. Jichhürux, La Tercera uksankirinakax taqpach qillqatas uñt’ayi (…) Jilïr Irpirin phuchhapax irptiw sañax k’arisiñawa, janiw ukham irptañas utjkiti, janiw La Tercera uksankirinakax 68 maranpachas sum irnaqapkiti”, sasaw mama Lópezax sawiyi.

“La Tercera uksankirinakarux, mâ tawaqur ukham aliqat sapxatapax, jupax warmi ukhamarak Jilïr Irpirin phuchhapa ukatak sapxatapax, anqa amuyunakamp sarnaqañawa; ukx Bolivian kikipat uñjasiña, yaqhachatanakar yäqaña, warminakar yäqaña amuyunak Tayka Kamachir qillqantasaw apamukxtan” sasaw sawiyi.

Evaliz tawaqurux yatiqañ utat mistkipanx yäqawiyapxiwa, t’axllirawiyapxiwa, munasiñap jaqix uñt’ayawiyi, mä sapa jaqikiw ukanx jan walt’ayañ munawiyi, juparux mayninakaw amukt’ayawiyapxi, sasaw Chili yatiyirinakarux sawiyata, sasaw mama Lópezax arsuwiyi.

La Tercerar apayat qillqatampix “k’arin utjapat jiwasax uñt’ayawaytanxa, aliqat k’arisitampiw yatiyawiyapxi. Ukax jan wal uñjayañ munäna, Evo Morales Jilïr Irpirin phuchhaparuw jan walt’ayañ munapxi”, sasaw Radio Panamericana uksankirinakamp aruskipkasax sawiyi./RAR