Image Fanor Amapo, Beni irpiri (Jamuqa: BTV)

Beninx walja COVID-19 usump usuntataw uñstawiyi, llakkayawa, 900 usutaw utji ukata. Irpirinakax luräwinakxat qullqichäwit qullañxat aruskipt’awiyapxi, sinti jan walt’äwinkapxtwa sasaw mä amtx uñt’ayawiyapxi, uka amtampiw jichhax uka usurux khayan kutkatapxani, ukhamw tata Fanor Amapox yatiyawiyi, jupax Beni irpirirakiwa.

“Luratanakamp qullqichäwimp amuykipt’awiyapxtha. Uñakipt’awiyapxtwa, wakiski ukhamw amuykipt’apxtha, ukatw 16 departamento kamachix amtata, ukampiw sinti jan walt’äwinkat amtawiyapxtha” sasaw jupa tata irpirix arsuwiyi.

Wasürux 69 usutaw Beninx uñstawiyi, ukampix taqpachanix 902 usutäxiwa. Uka departamentonw Santa Cruzarux juk’amp usutax utji, Santa Cruzanx 3.414 utji.

“Akampix Beni markachirinakax markasarux uka uraqpachar saratatir usur tukjañatak yanap mayipxiristha, anqa markanakarus ukhamaraki” sasaw tata Amapox arsuwiyi, jupax utan jist’antataw irnaqaski, llamayu phaxsit 14 uru saraqkipanw COVID-19 usump usuntayir laq’unïtap juparux yatiyawiyapxi./RAR